Festivali i parë dedikuar kompozitorëve kosovarë është një debutim historik në skenën kulturore të Kosovës, do të shërbej si një platformë e rëndësishme për të nderuar, ruajtur dhe për të promovuar trashëgiminë e pasur muzikore kosovare. Kjo ngjarje e shquar është hartuar si një serë e aktiviteteve që do të përfshijë një periudhë vjetore, me qëllim të qartë: krijimin, përhapjen dhe mbrojtjen e veprave muzikore. Organizuar për herë të parë, ky festival shpalli nevojën për të filluar një rrugëtim të theksuar drejt promovimit të kompozitorëve kosovarë dhe prezantimit të tyre në skenën Kosovare. Duke filluar nga mungesa e hapësirës dhe mundësive shprehëse, ky organizim shikon për të krijuar një ambient frymëzues dhe të pasuruar për krijimtarinë artistike të reja në muzikën kosovare.
Iniciativa e kompozitorëve të rinj flet për vullnetin e të rinjëve që dëshirojne t’a pasurojnë dhe zhvillojnë kulturën muzikore te ne. Kjo do te duhej të ndodhte shumë me herët siç ka ndodhur tek popujt tjerë prandaj me shume kënaqësi e përkrah këtë hap të domosdoshem dhe i stimuloj kompozitorët e rinj që të organizohen dhe ta kene një festival të kompozitorëve kosovarë i cili do te promovon dhe afirmon kulturën tonë muzikore me permasa ndërkombëtare. Shpresoj dhe uroj që kerkesa festivalit të kompozitorëve kosovarë të has në mirëkuptim nga te gjitha institucionet përkatese dhe donatoret te cilet në botën perendimore kan një rol të rëndsishem në përkrahjen dhe promovimin e kulturës muzikore.
...përveç përfshirjes së emrave të dëshmuar te muzikës kosovare, festivali kontribuon në pasurimin e krijimtarisë artistike, nxitë bashkëpunimin dhe rrjetëzimin në mes muzicientëve nga vendet e ndryshme si dhe ofron hapsirë për prezentimin dhe motivimin e kompozitorëve të rinj...
Festivali i kompozitorëve kosovarë ka një rol të rëndësishëm në avancimin e krijimtarisë muzikore në vend si dhe kontribuon në krijimin e mundësive të reja të bashkëpunimit me skenën e muzikës ndërkombëtare. Krijimtaria e kompozitorëve kosovarë paraqet një mozaik mjaft diversiv dhe si e tillë meriton ta ketë hapësiren e vet në një festival i cili qëllim kryesor të tij ka promovimin e kësaj krijimtarije.
